ОД 25 АВГУСТ 2010 ГОДИНА ВО ПРИМЕНА СЕ НОВИ ОБРАСЦИ ЗА ФИСКАЛИЗАЦИЈА
Од 25 август 2010 година во примена се новите обрасци за фискализација и тоа:
- ФА-01 - Пријава за регистрација на фискален систем на опрема
- ФА-02 - Пријава за промена на фискален систем на опрема (адреса, електронски систем и фискална меморија)
- ФА-03 - Пријава за престанок на регистрација на фискален систем на опрема
- БЗ-01 - Барање за заверка на парагон блок и итна сметководствена книга
Обрасците се редизајнирани и поедноставeни согласно барањата и потребите на даночните обврзници и за истите е овозможено компјутерско пополнување и внес на бараните податоци.
За да ги преземете обрасците во делот на фискализација кликнете тука.
25.08.2010
ПРОЦЕНТОТ НА ПОРАСТ НА ЦЕНИТЕ НА МАЛО
ЗА JУЛИ 2010 ГОДИНА Е 2,2%
Процентот на пораст на цени на мало во јули 2010 година е 2,2%, или коефициентот за директно множење на месечната даночна основа за плаќање на данокот на добивка изнесува 1,022.
03.08.2010
КРАЕН РОК ЗА ДОСТАВУВАЊЕ НА ДДВ ПРИЈАВАТА И ПЛАЌАЊЕТО
НА ДДВ Е ДО 25- ТИ ПО ИСТЕКОТ НА ДАНОЧНИОТ ПЕРИОД
Во Службен весник на РМ бр.102/10 се објавени најновите измени и дополнувања на Законот за ДДВ. Поголемиот дел од измените влегуваат во сила на 6 август 2010 година.
Со измените е извршена промена на рокот за доставување на ДДВ пријавата до УЈП - 25-ти по истекот на даночниот период. Месечните ДДВ обврзници, ДДВ-пријавата (ДДВ-04) за месец јули 2010 година, ќе ја достават до УЈП, најдоцна до 25 август 2010 година, тромесечните обврзници, пријавата за периодот јули-септември 2010 година ќе ја достават најдоцна до 25 октомври 2010 година, а годишните ДДВ обврзници, пријавата за 2010 година ќе ја достават најдоцна до 25 јануари 2011 година.
Периодичните извештаи од банкарските сметки преку кои ДДВ обврзникот го остварува своето работење ќе ги доставува банката, по електронски пат до УЈП. Периодичните извештаи, банката ги доставува за период и во рок во кој се поднесува даночната пријава. Меѓутоа ова ќе почне да се применува од 1 Октомври 2010 год.
Од 1 јануари 2011 година се менува и прагот на регистрација/дерегистрација за ДДВ од 1.300.000 денари на 2.000.000 денари.
03.08.2010
ЗА ИСПЛАТЕНИ ДЕВИДЕНДИ ОСВЕН ОБРАЗЕЦОТ ДД-ИД
СЕ ДОСТАВУВА И ПРИЛОГ ПРЕСМЕТКА КОН ОБРАЗЕЦОТ ДД-ИД“
Со најновите измени на Законот за данокот на добивка, од 7 јули 2010 за исплатените дивиденди и други исплати од добивка, даночниот обврзник покрај обврската за поднесување на образец “ДД-ИД“, потребно е до УЈП да достави и прилог пресметка со која ќе се разграничи исплатената дивиденда кон правните лица - резиденти на РМ и исплатите кон странски правни лица и физички лица - резиденти и нерезиденти на РМ.
За да го преземете образецот „Пресметка кон образец ДД-ИД“ кликнете тука.
Прилог пресметката е прикачена кон образецот ДД-ИД.
Повеќе во Билтен бр. 7
27.07.2010
ПРОВЕРЕТЕ ДАЛИ КОДОТ ЗА ИДЕНТИФИКАЦИЈА
ЗА МПИН ОБРАЗЕЦОТ СЕУШТЕ ВИ ВАЖИ
Согласно препораките од Управата за јавни приходи обврзниците треба да проверат дали е валиден кодот за идентификација за потребите на составувањето на МПИН образецот. Ако изминале 5 години од неговото издавање електронскиот код треба да се замени со нов. Пред истекот на валидноста на кодот треба да се поднесе образецот БКИ-ИН. Повеќе...
24.07.2010г
ЗЕМЈОДЕЛСКАТА МЕХАНИЗАЦИЈА И ПОСЛЕ 1 ЈУЛИ 2010 СЕ ОДДАНОЧУВА СО 5%
Согласно со измените на Законот за ДДВ (Службен весник на РМ, бр.95/10), се продолжи примената на повластена даночна стапка од 5% за оданочување на увозот и прометот со земјоделска механизација.
Даночната стапка се применува РЕТРОАКТИВНО - од 1-ви јули 2010 година.
19.07.2010
ОД 7 ЈУЛИ 2010 ГОДИНА НА ИСПЛАТАТА НА ДИВИДЕНДА И ДР. РАСПРЕДЕЛБИ
ОД ДОБИВКАТА НА ПРАВНИ ЛИЦА РЕЗИДЕНТИ НА РМ
НЕ СЕ ПРЕСМЕТУВА И ПЛАЌА
ДАНОК НА ИСПЛАТЕНА ДИВИДЕНДА (ДАНОК НА ДОБИВКА)
Во "Службен весник на РМ, бр. 85/10" објавен е Закон за изменување на Законот за данокот на добивка. Со измените во членот 36-г ставот 3 се менува и гласи:
Износот кој што се распределува во вид на дивиденди и други распределби од добивката (н.з. остварена за 2009 година), било да е во паричен или непаричен облик, се оданочува во моментот на нивната исплата освен дивидендите кој што даночниот обврзник ги исплатува на правни лица резиденти на Република Македонија.
05.07.2010
ПРОМЕНА НА СТАПКИТЕ НА КАЗНЕНА КАМАТА
Стапките на законската казнена камата од 1 јули 2010 година до крајот на полугодието (до 31.12.2010 година), се следните:
Во договорите мегу трговци или трговци и лица од јавното право кога обврската е изразена во денари 15% и кога обврската е изразена во странска валута 10,485%.
Во договорите мегу лица од кое барем едното не е трговец кога обврската е изразена во денари 13% и кога обврската е изразена во странска валута 8,485%.
02.07.2010
ПРОЦЕНТОТ НА ПОРАСТ НА ЦЕНИТЕ НА МАЛО
ЗА ЈУНИ 2010 ГОДИНА Е 2,2%
Процентот на пораст на цени на мало во јуни 2010 година е 2,2%, или коефициентот за директно множење на месечната даночна основа за плаќање на данокот на добивка изнесува 1,022.
02.07.2010
Податок за образецот МПИН
Вкупно (бруто)
За месец Август 2010
29.829,00
НАЈНИСКА
ОСНОВИЦА ЗА ПРИДОНЕСИ
14.915,00
ПРИДОНЕС ЗА ПИО НА
НАЈНИСКАТА ОСНОВИЦА
2.685,00
ПРИДОНЕС ЗА ЗДРАВСТВО НА НАЈНИСКАТА ОСНОВИЦА
1.089,00
ПРИДОНЕС ЗА ВРАБОТУВАЊЕ НА НАЈНИСКАТА ОСНОВИЦА
179,00
ПРИДОНЕС ЗА ПРОФЕСИОНАЛНО ЗАБОЛУВАЊЕ НА НАЈНИСКАТА ОСНОВИЦА
75,00
ЛИЧНО ОСЛОБОДУВАЊЕ
7.035,00
НАЈВИСОКА ОСНОВИЦА ЗА ПРИДОНЕСИ
119.316,00
1.
НЕОДАНОЧИВА ВИСИНА НА НАДОМЕСТОЦИТЕ
НА
ТРОШОЦИ ОД РАБОТЕН ОДНОС ЗА
СУБЈЕКТИ
ОД СТОПАНСТВО(за месец АВГУСТ)
ВИД
НА НАДОМЕСТОК - ПРИМАЊЕ
ИЗНОС
ПРОПИС
ДНЕВНИЦА
ЗА СЛУЖБЕНИ
ПАТУВАЊА
ВО ЗЕМЈАТА
1.644,00
член 6 став 1 точка 6 од ЗПДД
ОТПРЕМНИНА ПРИ ЗАМИНУВАЊЕ ВО ПЕНЗИЈА
За општествени
и мешовити
субјекти: - над49% општествен
капитал
40.848,00
Закон за исплата на платите во РМ
За
приватни
субјекти: -над 51% приватен
капитал
41.110,00
член 6 став 1 точка 22 од
ЗПДД
ОДВОЕН
ЖИВОТ
12.333,00
член 6 став 1 точка 6 од ЗПДДи ОКДС
КОРИСТЕЊЕ НА СОПСТВЕН АВТОМОБИЛ ЗА ПОТРЕБИТЕ
НА РАБОТОДАВАЧОТ
3.500,00
член 6- а од ЗПДД
СЛУЧАЈ НА СМРТ НА ВРАБОТЕНИОТ
61.665,00
член 6 став 1 точка 12 од ЗПДД и ОКДС
СЛУЧАЈ НА СМРТ НА ЧЛЕН НА СЕМЕЈСТВОТО
41.110,00
член 6 став 1 точка 12 од ЗПДД и ОКДС
Нпомена: Трошокот за организирана исхрана по вработен согласно Законот за работни односи може да изнесува најмногу до 3.991 денари.
2. НЕОДАНОЧИВА ВИСИНА НА НАДОМЕСТОЦИТЕ
НА ТРОШОЦИТЕ ОД РАБОТЕН ОДНОС ЗА СУБЈЕКТИ
ОД НЕСТОПАНСТВО(за месец АВГУСТ)
ВИД
НА НАДОМЕСТОК - ПРИМАЊЕ
ИЗНОС
ПРОПИС
ДНЕВНИЦА ЗА СЛУЖБЕНИ ПАТУВАЊА ВО ЗЕМЈАТА
0,00
Согласно измените и дополнувањата на Законот за извршување на буџет(Службен весник на РМ 95/10) -бришан член 13
ИСПРАТНИНА
ПРИ ОДЕЊЕ
ВО ПЕНЗИЈА
За општествени
и мешовити
субјекти:
- над49% општествен
капитал
40.848,00
Закон за исплата на платите во РМ
За
приватни
субјекти:
-над 51% приватен
капитал
41.110,00
член 6 став 1 точка 22 од
ЗПДД
ОДВОЕН
ЖИВОТ
6.166,00
член 6 став 1 точка 6 од
ЗПДД и
член 9 од
Законот за извршување на буџет
КОРИСТЕЊЕ НА СОПСТВЕН АВТОМОБИЛ ЗА ПОТРЕБИТЕ
НА РАБОТОДАВАЧОТ
3.500,00
член 6- а од ЗПДД
СЛУЧАЈ НА СМРТ НА ВРАБОТЕНИОТ
30.000,00
член 16 од Законот за извршување на буџетот на РМ за 2010 год.
СЛУЧАЈ НА СМРТ НА ЧЛЕН НА СЕМЕЈСТВОТО
15.000,00
член 16 од Законот за извршување на буџетот на РМ за 2010 год.
3. НЕОДАНОЧИВА ВИСИНА НА НАДОМЕСТОЦИ
НА ТРОШОЦИ ОД РАБОТЕН ОДНОС ЗА БУЏЕТИ И КОРИСНИЦИ
НА СРЕДСТВА
ОД БУЏЕТИТЕ
И ФОНДОВИ(за месец АВГУСТ)
ВИД
НА НАДОМЕСТОК - ПРИМАЊЕ
ИЗНОС
ПРОПИС
ДНЕВНИЦА ЗА СЛУЖБЕНИ ПАТУВАЊА ВО ЗЕМЈАТА
0,00
Согласно измените и дополнувањата на Законот за извршување на буџет(Службен весник на РМ 95/10) -бришан член 13*
ОДВОЕН
ЖИВОТ
6.166,00
Член 9 од Законот
за извршување
на буџетот на РМ за
2010 год.
СЛУЧАЈ НА СМРТ НА ВРАБОТЕНИОТ
30.000,00
член 16 од Законот за извршување на буџетот на РМ за 2010 год.
СЛУЧАЈ НА СМРТ НА ЧЛЕН НА СЕМЕЈСТВОТО
15.000,00
член 16 од Законот за извршување на буџетот на РМ за 2010 год.
*Законот за извршување
на буџетот
е објавен
во “Службен
весник
на РМ”, бр. 156/09.
Податоците
за ПООДЕЛНИ ГРУПИ НА ОБВРЗНИЦИ за месец Август 2010 година во делот за претплатници
ОД 21 ЈУНИ 2010 ГОДИНА СЕ НАМАЛЕНИ ДНЕВНИЦИТЕ ЗА СЛУЖБЕНИ ПАТУВАЊА ВО СТРАНСТВО
Со измена на Уредбата за издатоците за службени патувања и селидби во странство што на органите на државната управа им се признаваат во тековни трошоци(„Службен весник на РМ", бр.82/10), извршено е намалување на дневниците на следниот начин:
- 35% од утврдената дневница, ако се поднесе сметка за сместување, како и во случаи кога сместувањето не паѓа на товар на органот на управата( до измените 50%);
- ако издатоците за сместување и исхрана не паѓаат на товар на органот на управата, не се исплатува дневница( до измените 20%) и
- ако издатоците за стручно оспособување и усовршување не паѓаат на товар на органот на државната управа, а престојот е над 30 дена не се исплатува дневница ( до измените 5%).Под стручно усовршување се подразбира посета на семинари, курсеви, симпозиуми и други видови средби организирани во странство на мултиталтерална или билатерална основа.
23.06.2010
ОД 01 ЈАНУАРИ 2011 ПО СТАПКА 0,2 % ОД ПЛАТАТА ЌЕ СЕ ПЛАЌА ПРИДОНЕС ЗА ВОДИ
Согласно со измените и дополнувањата на Законот за водите („Службен весник на РМ", бр.83/10), правните лица што вршат дејност, како и државните органи и органите на општините и градот Скопје ќе имаат обврска да плаќаат придонес за води (0,2% од основицата), почнувајќи од 1 јануари 2011 година, наместо од 1 јануари 2014 година- како што беше до сега пропишано.
Обврзници се и физичките лица регистрирани за вршење на дејност, како и физичките лица што вршат слободни занимања на бруто основицата од која се пресметува и плаќа персонален данок зголемена за придонесите и даноците од плата.
Основица ќе биде бруто плата и надоместок на плата и плаќањето на придонесот за води ќе се врши со исплатата на платата.
23.06.2010
ПРОМЕНА НА СТАПКАТА НА ДДВ НА ЗЕМЈОДЕЛСКАТА МЕХАНИЗАЦИЈА (ОД 5% НА 18%) ОД1 ЈУЛИ 2010 ГОДИНА
Во моментот во собраниска процедура се предлог измените и дополнувањата на Законот за данокот на додадена вредност. Доколку во делот на оданочување со повластена даночна стапка од 5%, за земјоделската механизација не биде пропишана одредба за продолжување на важноста на повластената стапка, од 1 ЈУЛИ 2010 ГОДИНА ЗЕМЈОДЕЛСКАТА МЕХАНИЗАЦИЈА ќе се оданочува со стапка од 18%.
21.06.2010
ПРОЦЕНТОТ НА ПОРАСТ НА ЦЕНИТЕ НА МАЛО
ЗА МАЈ 2010 ГОДИНА Е 2,1%
Процентот на пораст на цени на мало во мај 2010 година е 2,1%, или коефициентот за директно множење на месечната даночна основа за плаќање на данокот на добивка изнесува 1,021.
01.06.2010
ОД 30 МАРТ 2010 ГОДИНАСЕ ПРИМЕНУВААТ ТРИ НОВИ УПЛАТНИ СМЕТКИ
Согласно со дополнување на Упатството за начинот на евидентирање, распоредување и поврат на јавните приходи („Службен весник на РМ", бр.43/10), во делот Приходи на Републиката и на единиците на локалната самоуправа се пропишани три нови уплатни сметки и тоа:
-840 - 01648 - Данок на исплатена дивиденда и друга распределба од добивката (приходна шифра-711230);
-840 - 01632 - Данок на доход од земјоделска дејност според паушално утврден приход (приходна шифра-711141); и
-840 - 04660 - Еднократна такса при присилна наплата на царински долг (приходна шифра- 716112).
Новите уплатни сметки се применуват од 30 март 2010 година.
30.03.2010
ОД 12 МАРТ 2010 ГОДИНА ПУШЕЊЕТО Е ДОЗВОЛЕНО НАДВОР
ОД ДЕЛОВНИОТ ОБЈЕКТ
- ТЕРАСА, ЛЕТНА БАВЧА И СЛ.
Со измените и дополнувањата на Законот за заштита од пушењето („Службен весник на РМ", бр. 35/10) кои влегоа во сила од 12 март 2010 година, пушењето е дозволено исклучиво надвор од деловниот објект (тераса, летна бавча и слично), исклучиво доколку просторот е покриен и отворен најмалку од три страни на кои нема никакви прегради (стакло, фолии, пластифицирани или најлонски прегради и слично) или на отворен простор кој не е покриен со тенди, чадори и слично, а кој странично е заграден (дискоклубови на отворен простор, тераси, летни бавчи и слично).
12.03.2010
ОД 11 МАРТ 2010 ГОДИНА СЕ МЕНУВА НАЧИНОТ НА ПРЕСМЕТКА
НА АКЦИЗАТА НА ПАТНИЧКИТЕ АВТОМОБИЛИ
Со измените и дополнување на Законот за акцизи („Службен весник на РМ", бр. 34/10) кои се применуваат од 11 март 2010 година, основа за пресметување на акциза на патничките автомобили е:
1. продажната цена, а тоа во смисла на овој закон е цената без данок на додадена вредност, или
2. при увоз - царинската вредност утврдена во согласност со царинските прописи зголемена за износот на царина.
Во зависност од утврдената вредност на патничките автомобили во евра, во денарска противвредност стапките на акциза на патничките автомобили изнесуваат:
Вредност
на патнички
автомобил
во евра
Стапки
на акциза
над
до
0
3.000
0,00%
3.001
4.000
0,50%
4.001
5.000
1,00%
5.001
6.000
1,50%
6.001
8.500
2,00%
8.501
12.000
3,00%
12.001
14.000
4,00%
14.001
16.000
6,00%
16.001
18.000
9,00%
18.001
22.000
11,50%
22.001
25.000
13,50%
25.001
30.000
15,50%
30.001
18,00%
11.03.2010
СООПШТЕНИЕ ОД МИНИСТЕРСВО ЗА ЕКОНОМИЈА ЗА КОРИСТЕЊЕ НА
МЕЃУНАРОДНО УСВОЕНИОТ КОД МК НА ПРЕХРАМБЕНИ И НЕПРЕХРАМБЕНИ ПРОИЗВОДИ
ЗА ШИРОКА ПОТРОШУВАЧКА ОД СТРАНСКО ПОТЕКЛО
Во врска со користењето на меѓународно усвоениот код МК во меѓународните организации за стандардизација (ISO и CEN) на прехрамбени и непрехрамбени производи за широка потрошувачка од странско потекло Министерството за економија надлежно за спроведувањето на Законот за заштита на потрошувачите го даваследното појаснување во однос на примената на МК кодот:
1. Mеѓународниот код МК на увезените производи треба да биде назначен само кога постои збирна – повеќе јазична декларација за производот, која притоа содржи и декларација напишана на македонски јазик
2. Доколку производот има декларација напишана само на македонски јазик и кирилско писмо и производот е наменет само за внатрешниот пазар во Република Македонија и притоа во декларацијата се наведени сите потребни податоци за производот(согласно член 23 од Законот за заштита на потрошувачите), во тие случаеви нема потреба од ставање на кодот МК.
3. Доколку трговците дополнително интервенираат на декларацијата на производот која е напишана на повеќе јазици, која притоа содржи и декларација напишана на македонски јазик но без назначен код МК напоредно со останатите кодови на држави, или наместо кодот МК е назначен акронимот од референцата, тогаш налепницата со кодот МК треба да биде залепена на местото пред преводот на македонски јазик, а не било каде на производот што како појава моментално е присутна во пракса.
ОД 4 МАРТ 2010 ГОДИНА ПРОПИШАН Е НОВ ОБРАЗЕЦ - БАРАЊЕ ЗА ПРОМЕНА НА ДАНОЧЕН ПЕРИОД
Начинот на промена на даночниот период за цели на ДДВ е пропишан со Правилникот за промена на даночниот период („Службен весник на Р. М.“, бр. 31/2010) и истиот се применува од 4 март 2010 година.
Даночните обврзници кои се регистрирани за целите на ДДВ и на кои со решение за даночен период им е одредена календарска година, може да поднесат Барање за промена на даночниот период (образец “ДДВ-БПДП“).
Промената на периодот ќе биде извршена од страна на УЈП, доколку ДДВ обврзникот документирано докаже дека во тековната календарска година ќе има влезни исполнувања, кои произлегуваат од инвестиции во опрема и недвижности за започнување или проширување на неговата стопанска дејност, и тоа во износ од најмалку 100.000.000 денари на годишно ниво без вклучен данок на додадена вредност.
Барањето за промена на даночниот период се поднесува до 10-ти во месецот, до даночната канцеларија на УЈП кај која е регистриран даночниот обврзник.
11.03.2010
ПРОЦЕНТОТ НА ПОРАСТ НА ЦЕНИТЕ НА МАЛО
ЗА ФЕВРУАРИ 2010 ГОДИНА Е 1,5%
Процентот на пораст на цени на мало во февруари 2010 година е 1,5%, или коефициентот за директно множење на месечната даночна основа за плаќање на данокот на добивка изнесува 1,015.
01.03.2010
ОБЈАВЕНОТО ОБЈАСНУВАЊЕ НА УЈП (WWW.UJP.GOV.MK) ЗА НАЧИНОТ
НА УТВРДУВАЊЕ НА ДАНОЧНИОТ КРЕДИТ ЗА РАСХОДИТЕ СО ОДЛОЖЕНО ПРИЗНАВАЊЕ
Е ВО СПРОТИВНОСТ СО ЗАКОНОТ ЗА ДАНОКОТ НА ДОБИВКА
КОНСАЛТИНГ БС како стручна и компетентна консалтинг фирма од сферата ма сметководството и финансиите, изразува несогласување со објавеното Објаснување (Упатство) на УЈП за Даночниот кредит за расходите со одложено признавање. Според наше мислење објаснувањето и пресметката во него не се во согласност со одредбите на Законот за данокот на добивка и Правилникот за начинот на пресметување и уплатување на данокот на добивка и спречување на двојното оданочување или двојното оданочување.
Немаме немара да го коментираме детално Објаснувањето, бидејќи тоа ќе го направиме преку нашите списанија со детална анализа. Во продолжение накратко ќе го образложиме нашето мислење. Во принцип „сложената математика" за утврдување на даночниот кредит од презентираниот пример се сведува на „проста математика" односно решението на „задачата" според бројките презентирани во примерот е дека даночниот кредит доколку се остварува преку износот на претходното зголемување на даночната основа е 5.000.000 денари (какво што презентирање бара ДБ за 2009 година) или 500.000 денари доколку кредитот се остварува преку износот на данокот. Се поставува прашањето дали и кога овој расход со одложено признавање ќе биде признат во целиот износ (според примерот на УЈП од тој расход се признаваат само 454.500 а не се признаваат 4.545.500????). Исто така се наметнува заклучок дека со намалување на правото на даночниот кредит, освен што расходот со одложено признавање никогаш нема да се признае во целиот износот, во ситуациите кога се користени даночни олеснувања и ослободувања ќе се плаќа данок на добивка на веќе користени законски пропишани даночни олеснувања и ослободувања. Математиката од која „боли глава" никаде не е пропишана и што е најважно не е во согласност со член 27-б од Законот за данокот на добивка и член 4 став 4 од Правилникот за начинот на пресметување и уплатување на данокот на добивка и спречување на двојното оданочување или двојното оданочување. Со целокупната наша стручност и компетентност застануваме на страната на даночните обврзници и им стоиме на располагање на надлежните од УЈП доколку е потребно да дебатираме на таа тема.
ОД 6 МАРТ 2010 ДОМАШНИТЕ ПАТНИЦИ МОЖЕ ДА ВНЕСАТ ПРЕДМЕТИ ОД СТРАНСТВО
ВО ВРЕДНОСТ ОД 350 ЕВРА БЕЗ ПЛАЌАЊЕ НА УВОЗНИ ДАВАЧКИ
Согласно Уредбата за изменување на Уредбата за поблиските критериуми и начинот на спроведување на ослободувањето од плаќање на увозни давачки, како и вредноста, количината и видот или намената на стоката која може да се ослободи од плаќање на увозни давачки („Службен весник на РМ", бр. 28/10) почнувајќи од 6 март 2010 година, вредноста на предметите(покрај личнитот багаж) кои домашнте патници може да се внесуваат од странство и кои се ослободени од плаќање на увозни давачки од 175 евра се зголемува на 350 евра.
01.03.2010
ДО 15 МАРТ 2010 ГОДИНА СЕ ПОДНЕСУВА ГОДИШНАТА ДАНОЧНА ПРИЈАВА ( ОБРАЗЕЦОТ ПДД-ГДП)
Физичките лица, како даночни обврзници на персонален данок на доход, имаат обврска за сите приходи кои ги оствариле во земјата и во странство во текот на календарската 2009 година, задолжително да ги пријави со поднесување на Годишна даночна пријава (образец “ПДД-ГДП“).
Обврска за поднесување на Годишна даночна пријава имаат и физичките лица кои во текот на календарската 2009 година оствариле приходи само по основ на:
• приходи по други основи кои подлежат на оданочување со персоналниот данок на доход (пр. приходи од закупнина-кирија, приходи од дивиденди, приходи од камати, капитална добивка од продажба на хартии од вредност, добивки од игри на среќа и наградни игри и други приходи)
• лични примања од странство
• лични примања од дипломатски, односно конзуларни претставништва на странски држави, кај претставници и службеници на претставништва кои уживаат дипломатски имунитет и кои сами го утврдуваат и плаќаат данокот.
Напомена: Физичките лица кои во текот на годината оствариле само приход од плата, пензија, земјоделска дејност или самостојна дејност, не се должни да поднесат Годишна даночна пријава.
01.03.2010
ПЛАЌАЊЕ НА РАТИ НА ДАНОЧНИ ДОЛГОВИ НА ЈАВНИТЕ ПРЕТПРИЈАТИЈА
Согласно со Законот за плаќање на рати на даночните долгови на јавните претпријатија и трговски друштва основани од Република Македонија, односно од општините или градот Скопје („Службен весник на РМ", бр. 18/10), даночниот должник треба да поднесе барање до УЈП најдоцна до 19 февруари 2010 година.
Можност за плаќање на рати е предвидена за даночни долгови по основ на: ДДВ, данок на добивка и персонален данок на доход (освен долгот за месечни аконтации на данок на добивка за 2009 година и персонален данок на бруто плата за 2009 година).
НОВ ГОДИШЕН ИЗВЕШТАЈ ЗА ПЕРСОНАЛЕН ДАНОК НА ДОХОД(ПДД-ГИ)
Рокот за поднесување на Годишниот извештај ПДД-ГИ е до 15 февруари 2010 година.
Новиот образец ПДД-ГИ можете да го симнете наповеќе...
28.01.2010
СО ИСПЛАТАТА НА ПЛАТАТА ЗА МЕСЕЦ ЈАНУАРИ 2010 ГОДИНА ЗАШТИТНИТЕ ДРУШТВА
ЌЕ ПЛАЌААТ ПРИДОНЕСИ КОИ ПОТОА ЌЕ ИМ БИДАТ ВРАТЕНИ
Министерот за труд и социјална политика донесе Упатство за начинот на пресметка и исплата на плати и поврат на придонеси од задолжително социјално осигурување за вработените во заштитни друштва, инвалидните лица кога самостојно вршат дејност како трговци поединци и другите работодавачи кои имаат вработено инвалидно лице. Со Упатството е предвидено социјалните придонеси преку МПИН образецот да бидат уплатени а потоа по пропишаниот начин, постапка и рокови ќе се изврши поврат на уплатените средства.
МЕСЕЧНО ЛИЧНО ОСЛОБОДУВАЊЕ ЗА 2010 ГОДИНА 7.035 ДЕНАРИ
Во Службен весник на РМ, бр. 2/10 е објавено месечното личното ослободување за 2010 кое изнесува 7.035 денари.
Годишното лично ослободување за 2010 година изнесува 84.420 денари.
04.01.2010
НОВ ПРАВИЛНИК ЗА ВОДЕЊЕ НА СМЕТКОВОДСТВОТО СО ПРИМЕНА ОД 1 ЈАНУАРИ 2010 ГОДИНА
Во „Службен весник на РМ“ бр. 159/2009 е објавен нов Правилник за водење на сметководството кој ќе се применува од 1 јануари 2010 година. Со влегувањето во сила на овој Правилник престанува да важи Правилникот за водење на сметководството („Службен весник на РМ“ бр.94/04, 11/05 и 116/05).
Новиот Правилник за водење сметководство ќе се користи за изготвување на годишната сметка за 2010 година.
04.01.2010
ИЗМЕНИТЕ И ДОПОЛНУВАЊАТА НА ЗАКОНОТ ЗА ОБЛИГАЦИОНИ ОДНОСИ КОИ СЕ ОДНЕСУВААТ НА КАЗНЕНА КАМАТА ЌЕ СЕ ПРИМЕНУВААТ ОД 1 ФЕВРУАРИ 2010 ГОДИНА
Во "Службен весник на РМ бр 161 /09 е објавен Законот за измени и дополнувања на Законот за облигациони односи. Измените и дополнувањата се однесуваат на пресметувањето на каматата во облигационите односи и начините на пресметување на каматата (законска и договорна камата). Пресметката на казнената камата се врши со примена на декурзивниот едноставен каматен метод. Законот за изменувања и дополнувања влезе во сила од 30.12.2009 година а ќе се применува од 1 февруари 2010 година.
04.01.2010
ОД 1 ЈАНУАРИ 2010 ГОДИНА ВО ПРИМЕНА ДОГОВОРОТ ЗА ОДБЕГНУВАЊЕ НА ДВОЈНОТО ОДАНОЧУВАЊЕ МЕЃУ Р. МАКЕДОНИЈА И ИРСКА
Во Согласно со Објавата на МНР, Договорот меѓу Република Македонија и Ирска за одбегнување на двојното оданочување и заштита од фискална евазија по однос на даноците од доход ("Службен весник на РМ" бр. 157/2008), е во сила од 23 јуни 2009 година, а ќе се применува од 01 јануари 2010 година.
04.01.2010
ОД 29-ТИ ДЕКЕМВРИ 2009 ГОДИНА НОВ ОБРАЗЕЦ -ДАНОЧНА ПРИЈАВА ДДВ-04
Со новиот Правилник за формата и содржината на Даночната Пријава на данокот на додадена вредност, објавен во Службен весник на РМ, бр. 157/09, пропишан е нов образец, Даночна Пријава за ДДВ (ДДВ-04)
27.12.2009
ИЗМЕНЕТ ЗАКОНОТ ЗА ПРИДОНЕСИ ОД ЗАДОЛЖИТЕЛНО СОЦИЈАЛНО ОСИГУРУВАЊЕ
Во Службен весник на РМ, бр. 156/09, објавен е Законот за изменување на Законот за придонеси од задолжително социјално осигурување и истиот влезе во сила од 25.12.2009.
Во 2010 година, почнувајќи од платата за јануари 2010 година во примена ќе бидат следните стапки на придонесите од плата: ПИО - 18%, основно здравствено осигурување - 7,3%, вработување - 1,2% и дополнително здравствено осигурување - 0,5%.
29.12.2009
НОВОГОДИШЕН НАДОМЕСТОК- ИСПЛАТА И ДАНОЧЕН ТРЕТМАН
Согласно Законот за работни односи новогодишниот надоместок не е пропишан како надоместок на трошок од работен однос. Со некои колективни договори на дејност (гранка) е утврдена висината на новогодишниот надоместок. Според наше мислење не постои законска пречка и субјектите кои припаѓаат на дејностите кои немаат донесено колективни договори на дејност (гранка) да утврдат и исплатат новогодишен надоместок со Одлука донесена од страна на работодавачот.
Висината на новогодишниот надоместок би требало да се утврди најмногу во износ од нето 13.006 + персонален данок 1.445 = 14.451, односно во висина од 65% од просечната месечна нето плата по работник во РМ исплатена во последните три месеци, со оглед дека највисокиот можен износ пропишан со гранските колективни договори е токму тој износ.На новогодишниот надоместок се пресметува и плаќа персонален данок на доход на целиот износ со пресметана стапка (11,11%). Исто така новогодишниот надоместок не се признава на товар на расходите во даночниот биланс, односно на новогодишниот надоместок се плаќа и данок на добивка од 10% .
ПРОЦЕНТОТ НА ПОРАСТ НА ЦЕНИТЕ НА МАЛО
ЗА НОЕМВРИ 2009 ГОДИНА Е НЕГАТИВЕН -1,3%
Процентот на пораст на цени на мало во ноември 2009 година е негативен (-1,3%). При пресметката на месечниот износ на данокот на добивка не се врши ревалоризација со коефициентот на пораст на цени на мало.
02.12.2009
ДО 31 ДЕКЕМВРИ - РЕГИСТРАЦИЈА ЗА ПАУШАЛНО ОДАНОЧУВАЊЕ НА ЗЕМЈОДЕЛЦИТЕ
Граѓаните кои обавуваат земјоделска дејност или истата ја вршат како дополнително занимање, почнувајќи од 2009 година, данокот на доход можат да го плаќаат според паушално утврден приход.
Со воведувањето на паушалното оданочување за земјоделците се создаваат услови за олеснување на вршењето на земјоделската дејност, што е од посебна важност за оваа категорија на даночни обврзници кои поради карактерот на самата дејност во голем процент не се во можност да водат деловни книги.
Барањето за паушално оданочување се поднесува до даночната канцеларија на Управата за јавни приходи на чија територија се наоѓа живеалиштето на обврзникот, најдоцна до крајот на 2009 година. Барањето за паушално оданочување се доставува истовремено со Барањето за регистрација на обврзници кои остваруваат приходи од земјоделска дејност.
ОД 27 НОЕМВРИ 2009 ГОДИНА НЕМА ДА СЕ ОДАНОЧУВААТ ТРОШОЦИТЕ ЗА ПАТУВАЊЕ НА РЕПРЕЗЕНТАЦИИТЕ И СПОРТСКИТЕ КЛУБОВИ НА ОФИЦИЈАЛНИТЕ ПРВЕНСТВА И МЕЃУНАРОДНИ НАТПРЕВАРИ
Со дополнување на Законот за персонален данок на доход,( Службен весник на РМ, бр. 139/09), од 27 Ноември 2009 година - нема да се оданочува надоместокот на трошоците за службено патување (трошоци за превоз, сместување и исхрана) на државните репрезентации и спортските клубови на официјалните првенства и други меѓународни натпревари.
27.11.2009
ДРЖАВНИ И ВЕРСКИ ПРАЗНИЦИ ВО РЕПУБЛИКА МАКЕДОНИЈА ВО 2010 ГОДИНА
Преглед на сите државни и верски празници во Македонија во 2010-та година. Повеќе...
27.11.2009
НАМАЛЕНИ ЦЕНИТЕ НА НЕКОИ УСЛУГИ НА ЦЕНТРАЛЕН РЕГИСТАР НА РМ
Од 30.10.2009 година Централниот регистар на Република Македонија ги намали цените на некои услуги, во просек од 30% до 50%.
Намалувањето на цените за одредени услуги се однесува за заложниот регистар, реистарот за права врз недвижности, регистарот за годишни сметки и регистарот за вложувања во недвижности на резиденти во странство и на нерезиденти во Република Македонија.
Новата Тарифа влегува во сила од 30.10.2009 година, со што престанува да важи Тарифата на ЦР на РМ број 02-01/38 од 05.09.2007 година.
УСВОЕНИ ИЗМЕНИТЕ И ДОПОЛНУВАЊАТА НА ЗАКОНОТ
ЗА ДАНОКОТ ЗА ДОДАДЕНА ВРЕДНОСТ
Со најновите измени на Законот за ДДВ (Службен Весник на РМ бр. 133/09) кои се применуват од 11 ноември 2009 година се воведува:
- повластена даночна стапка од 5% на првиот промет на станбени згради и станови; - под одредени услови се воведува можност за измена на даночниот период кај доброволно регистрираните даночни обврзници (од годишни во месечни). Оваа новина се применува од 1 јануари 2010 година; - се воспоставува нова обврска за задолжителна регистрација за цели на ДДВ за остварен вкупен промет над 1.300.000 денари во текот на календарската година; - се прошируваат основите за службена дерегистрација на даночните обврзници за ДДВ од страна на Управата за јавни приходи.
ЗАДОЛЖИТЕЛНА НОВА ОБВРСКА ЗА ДАНОЧНИТЕ ОБВРЗНИЦИ НА ДДВ, ПОЧНУВАЈЌИ СО ДАНОЧНАТА ПРИЈАВА (ДДВ 04) КОЈА СЕ
ПОДНЕСУВА НА 15 НОЕМВРИ 2009 ГОДИНА
МЕСЕЧНИТЕ ДАНОЧНИТЕ ОБВРЗНИЦИ НА ДДВ СО ДАНОЧНАТА ПРИЈАВА (ДДВ 04) ЗА ДАНОЧНОТ ПЕРИОД - ОКТОМВРИ 2009 ГОДИНА, КОЈА ТРЕБА ДА ЈА ПОДНЕСАТ ДО 15 НОЕМВРИ, ИМААТ ОБВРСКА ДА ПОДНЕСАТ И -ПЕРИОДИЧЕН ФИНАНСИСКИ ИЗВЕШТАЈ ОД ОДОБРЕНИТЕ ФИСКАЛНИ СИСТЕМИ НА ОПРЕМА ЗА РЕГИСТРИРАЊЕ НА ГОТОВИНСКИТЕ ПЛАЌАЊА (КУМУЛАТИВЕН ИЗВЕШТАЈ ЗА ПЕРИОД ОД 1 ОКТОМВРИ 2009 ДО 31 ОКТОМВРИ 2009 ШТО МОЖЕ ДА ГО ОТПЕЧАТАТ САМИТЕ ФИСКАЛНИ АПАРАТИ) И -ПЕРИОДИЧЕН ИЗВЕШТАЈ ОД БАНКАРСКИТЕ СМЕТКИ ПРЕКУ КОИ ДАНОЧНИОТ ОБВРЗНИК ГО ОСТВАРУВА СВОЕТО РАБОТЕЊЕ ЗА ПЕРИОД ОД 1 ОКТОМВРИ 2009 ДО 31 ОКТОМВРИ 2009 (СПОРЕД УСНИТЕ КОНСУЛТАЦИИ СО УЈП ЗА ТАТКОВ ИЗВЕШТАЈ ДАНОЧНИТЕ ОБВРЗНИЦИ ТРЕБА ДА СЕ ОБРАТАТ ДО ДЕЛОВНИ БАНКИ).СЕКАКО ДЕКА ПРЕТХОДНО НАВЕДЕНАТА ОБВРСКА СЕ ОДНЕСУВА И НА ТРИМЕСЕЧНИТЕ И ГОДИШНИТЕ ОБВРЗНИЦИ НА ДДВ, МЕЃУТОА ОВИЕ ОБВРЗНИЦИ ТАА ОБВРСКА ЌЕ ЈА ИСПОЛНАТ СО ПОДНЕСУВАЊЕ НА ДАНОЧНИТЕ ПРИЈАВИ НА 15 ЈАНУАРИ 2010 ГОДИНА.
Доколку даночниот обврзник располага со повеќе сметки во различни банки, истиот е должен да достави периодичен извештај посебно за секоја денарска и девизна сметка. Корисници на е-Даноци
Даночните обврзници кои електронски ги поднесуваат даночните пријави на данокот на додадена вредност, имаат можност и за поднесување на прилозите кон ДДВ пријавата по електронски пат (скенирање на документи во PDF формат).
КОНСАЛТИНГ БС Е ИМЕНУВАН КАКО ПОСТОЈАН СУДСКИ ВЕШТАК ОД ЕКОНОМСКА И ПРАВНА ОБЛАСТ
Со Решение на Основен суд Скопје 2 Скопје (04-Су бр. 1547/2009), КОНСАЛТИНГ БС е именуван како постојан судски вештак од економска и правна област. Тоа значи дека КОНСАЛТИНГ БС освен услугите на издавање на стручни списанија од економско – правната сфера, одржувањето на стручни советувања и останатите консалтинг услуги од сферата на економијата и правото, ќе врши и услуги како вештак од економска и правна област. Повеќе...
